Kelot tigbak sa resbak ng parak

PATAY ang isang 36-anyos lalaki makaraang barilin ng dating kaalitang kapitbahay na pulis sa Tondo, Maynila, kamakalawa ng hapon.

Binawian ng buhay habang isinusugod sa Ospital ng Maynila ang biktimang si Alaska Sanchez, may live-in partner, walang trabaho, at residente ng 235 Honorio Lopez Boulevard, Balut, Tondo sanhi ng tama ng bala sa likod.

Habang agad naaresto ang suspek na si PO1 Riad Fernando, nakatalaga sa NCRPO at nakatira sa 235 H. Lopez Blvd., Tondo, nakapiit na sa Manila Police District Homicide Section

Sa isinumiteng ulat kay MPD-Homicide Section chief, Senior Insp. Steve Casimiro ni PO3 Marlon San Pedro, naganap ang insidente dakong 6 a.m. sa loob ng kwarto ng biktima na katabi lamang ng kwarto ng suspek.

Bigla na lamang pinasok ng suspek ang biktima at pinaputukan sa likod.

Muli pa sanang papuputukan ng suspek ang biktima ngunit dumating ang kapatid ni Sanchez na umawat sa salarin.

Napag-alaman, ang suspek at ang biktima ay may dati nang alitan na nagresulta sa pagkakasuspinde noon sa trabaho ng nasabing pulis.

Madalas din umanong sitahin ng suspek ang biktima dahil sa paggamit ng illegal na droga.

Leonard Basilio