HATAW! D'yaryo ng Bayan hatawtabloid.com
BUENAVISTA, Quezon – Tinadtad ng bala ng barangay kagawad ang isang construction worker kamakalawa ng gabi sa Brgy. Mabutag ng bayang ito.
Sa ipinadalang report ng Buenavista PNP sa Camp Guillermo Nakar sa Lucena City, sa tanggapan ni Senior Supt. Ronaldo Genaro Ylagan, Quezon PNP provincial director, kinilala ang biktimang si Erwin Ortiz ,nasa hustong gulang, pansamantalang nakatira sa nasa-bing lugar.
Habang kusang loob na sumuko sa mga pulis ang suspek na si Gerry Gonzales Centes, 42, barangay kagawad.
Sa inisyal na imbestigasyon, dakong 10:30 p.m. kamakalawa nag-iinoman ang biktima at ang suspek kasama ng iba pa nilang kapitbahay nang magtalo ang dalawa sa hindi nabanggit na dahilan.
Pagkaraan ay bumunot ng .38 kalibreng baril ang suspek at ilang beses na pinaputukan ang biktima na agad ikinamatay ni Ortiz.
Nakapiit na ang suspek sa lock-up jail ng Buenavista PNP.
Raffy Sarnate
