Bulldogs inaasinta ang 78th UAAP Season

SARIWA at ninanamnam pa ng national University Bulldogs ang nakamit nilang kampeonato sa katatapos na 77th NCAA basketball tournament pero nakatuon na rin sila agad para sa back-to-back tiltles.

Malaki ang tiwala ni team owner Hans Sy na madedepensahan nila ang kanilang titulo sa men’s basketball sa 78th edition ng UAAP, nilahad niya ito sa victory party ng NU Bulldogs sa Sampaloc, Manila.

“Of course I want two (back-to-back). If they (NU Bulldogs) keep up their focus and momentum, we have a big chance,” ani Sy “Iba-iba lumalabas sa galing ng players namin every game. Mahihirapan mag-scout sa individual players namin mga kalaban if they continue that.”

Kinana ng Bulldogs ang unang titulo sa anim na dekada at pangalawang korona sa pangkalahatan ng kagatin nila ang Far Eastern University Tamaraws, 75-59 sa Game 3 ng kanilang best-of-three series.

Nakasama ni Sy sa victory party sina NU athletic director Junel Baculi at head coach Eric Altamirano at buong Bulldogs na dinaluhan ng maraming estudyante sa mala-piyestang okasyon.

“I’m very much happy, very much happy for the school. Before pinagtatawanan kami. Nababasa ko sa mga newspapers perennial doormat, whipping boys kami. Now we gain the respect and trust of each other. I salute Eric (coach Altamirano),” wika ng operations at engineering & construction divisions head ng SM Group.

Arabela Princess Dawa