PSL dumayo sa Ilocos

DUMAYO sa Sto. Domingo sa Ilocos Sur ang apat na koponan sa Philippine Superliga upang duon maghatawan at ilapit sa masa ang sport na volleyball.

Bukod sa double-header women’s games, magkakaroon ng clinic para sa mga kabataan sa nasabing probinsya.

Pinangalanan na “Spike on Tour” ang nasabing out-of-town kung saan maghaharap ngayong alas dos ng hapon ang Mane ‘N Tail at Petron habang magkatapat ang Generika at RC Cola sa alas 4 ng hapon na gaganapin sa Sto.Domingo Coliseum, Ilocos Sur.

Ilang players mula sa mga teams ng Mane ‘N Tail, Petron, Generika at RC Cola ang mangangasiwa sa PSL Cares volleyball clinic para sa mahigit 100 kabataang elementary at high school players sa University of Northern Philippines

.“The dream is to showcase high level tournaments in the province to promote Ilocos Sur as a sporting hub of the north,” wika ni Gov. Ryan Singson patungkol sa kanyang Gov. Ryan’s Sports program na may temang “One Team, One Dream”.

Dahil sa pareho ng layunin ng PSL naisakatuparan ang pagdayo ng mga spikers sa lugar ng mga ilokanos.

Dalawang beses nang nadala ang aksyon sa labas ng Metro Manila mula nang simulan ito sa nakaraang All-Filipino Conference sa pagdalaw sa Cebu noong Hulyo.

“Spike on Tour is one of the mission of PSL is to bring the sport of volleyball closer to the masses. Kaya nag-align ‘yung programa ni governor dun sa atin kaya natuloy,” ani PSL president Ramon ‘Tats’ Suzara, na chairman din ng Asian Volleyball Confederation Development Committee.

Arabela Princess Dawa