Daniel at Karla, tinanggihan daw ang isang charity event

TILA sina Daniel Padilla at Karla Estrada ang laman ng blind item about a hot teen at ang kanyang mother na tinanggihan ang isang charity event.

Nasulat sa isang popular website ang tungkol sa pagtanggi ng isang sikat na sikat na actor at ng kanyang ina na maging bahagi ng isang fund-raising show.

Ang chika, nag-quote pa raw ang madir ng sikat na young actor na ikinaloka ng organizers. Kasi naman, lahat ng aapir sa show nila ay libre, walang bayad, gratis. Fund-raising nga ang event, ‘no!

Pero para hindi naman daw mapahiya ang organizers ay nagsabi na lang ang madir na tutulong na lang siya sa pagkuha ng sponsors.

Nagkakaisa ang mga nag-comment sa website na si Daniel ang hot teen actor at ang madir niyang si Karla ang tinutukoy sa blind item.

Any comment, Daniel, Karla?

Alex Brosas