HATAW! D'yaryo ng Bayan hatawtabloid.com
ROXAS CITY – Patay ang isang 15-anyos dalagita nang aksidenteng nabaril ng kanyang ama sa Brgy. Agloloway Jamindan, Capiz.
Tinamaan ng bala sa kanang hita na tumagos sa ari at likod ang biktimang si Riza Selvino, binawian ng buhay habang ginagamot sa ospital.
Napag-alaman mula sa lola ng biktima na si Monica Selvino, aksidenteng nakalabit ng amang si Ricky Selvino ang pag-aaring 12-guage shotgun na nasa kanyang uluhan habang naghahanda na sa pagtulog.
Sa puntong ito, tinamaan ang apo na kararating lamang sa bahay mula sa panonood ng telebisyon sa kapitbahay.
Isinugod ang menor de edad sa Roxas Memorial Provincial Hospital ngunit bigong mailigtas nang naubusan ng dugo.
Walang plano ang pamilya na magsampa ng kaso laban sa suspek.
Beth Julian
