Adamson maagang maghahanda (Para sa UAAP Season 78)

PAGKATAPOS na mangulelat sa katatapos na UAAP men’s basketball ngayong taong ito, determinado ang Adamson University na makabawi sa susunod na taon.

Sinabi ng assistant coach ng Falcons na si Vince Hizon na kasali ngayon ang kanyang koponan sa UniGames sa Iloilo .

“We had our first game with our new lineup. We finally got to play with our recruits who had to sit out last year due to residency requirements,” wika ni Hizon. “They are not household names yet because we’ll let them prove themselves. But I like the direction we’re going… younger in a sense but taller now and more athletic.”

Matatandaan na nagtabla ang Adamson at University of the Philippines sa team standings ng UAAP Season 77 na parehong may isang panalo at 13 talo habang nagkampeon ang National University .

Samantala, abala rin si Hizon sa paglulunsad ng bagong ligang Filsports Basketball Association (FBA) sa Enero 2015.

James Ty III