4 tulak arestado sa P12-M shabu

ARESTADO ang apat bigtime drug pusher at nakompiskahan ng P12 milyong halaga ng shabu sa buy-bust operation ng pinagsanib na pwersa ng Taguig City Police at Anti-Illegal Drugs Special Operations Task Force (AIDSOTF) kahapon ng madaling araw sa Taguig City.

Kinilala ang mga suspek na sina Larex Pepino, lider ng grupo; Jayborn Ruira, Jahar Radin, at Nelson Conarco, pawang mga residente sa Bayani Road, Brgy. Western Bicutan ng nasabing lungsod.

Ang mga suspek ay sasampahan ng kasong paglabag sa Section 5 ng Republic Act 9165 (Dangerous Drugs Law) sa Taguig City Prosecutor’s Office.

Sa ulat ni  Inspector Michael Salmingo, dakong 1 a.m. nang isagawa ang buy-bust operation sa nabanggit barangay.

Nagpanggap ang isang pulis na bibili ng ng 400 gramo ng shabu sa halagang P500,000 at nang maging positibo ay agad inaresto ng mga awtoridad ang mga suspek.

Jaja Garcia