HATAW! D'yaryo ng Bayan hatawtabloid.com
SINAMPAHAN ng kaso ang suspek sa pagpatay sa isang sales consultant ng Chevrolet company na binaril sa Quezon City.
Sinampahan ng kasong murder sa Quezon City Prosecutors Office ang mga suspek na sina Joey Juanta, dating pulis, at Alvin Fernando, residente ng Samarpa Compound, Villa Beatriz Street, Brgy. Old Balara, Quezon City.
Ang mga suspek ay ipinagharap ng reklamo ni Andrea Rodillas, 47, may-asawa, domestic helper, ng 296 Tabayoyong Street, Banuar Laoac, Pangasinan, ina ng biktimang si Raymond Rodillas, 27-anyos.
Nabatid sa ulat, binaril at napatay ang biktima noong Abril 16, 2014 dakong 1 a.m. sa harap ng kanyang bahay sa 91 North Zuzuarregui Street, Brgy. Holy Spirit ng lungsod.
Kahapon, humarap kay Quezon City Assistant Prosecutor Ulric Badiola ang ina ng biktima at ang nag-iisang testigo sa kaso na si Jonathan Rivera.
Ikinanta ni Rivera na ang dating pulis na si Juanta ang siyang gunman at ang naging utak ng krimen ay si Fernando.
Jethro Sinocruz
