HATAW! D'yaryo ng Bayan hatawtabloid.com
MAGANDA ang naging learnings ng nakaraang kontrobersiya ng The Naked Truth sa maraming tao at sektor.
Sa part ni Coco Martin, isa sa mga endorser ng Bench, inamin nito na naging mas responsable siya bilang endorser. Na aniya, hindi kailanman dapat may matapakan sa anumang gawin niya kaugnay sa pag-iendoso ng produkto.
Like a true gentleman, inako ni Coco ang responbilidad sa nangyari. Isang bagay na ikinahanga sa kanya ng tao.
Sa parte ng Bench, nangako ito na mas magiging responsable sa kanilang future production. Hahangaan mo ang Bench na mabilis ang kanilang aksiyon sa women’s sector na hindi sinasadyang na-offend nila.
Mataas ang respeto ng Bench sa sektor ng kababaihan.
Kamakailan, finally ay nagkita sina Coco at Bench owner Bench Chan. Ito ang unang pagkakataon na nagkita sila after the controversy. Bagamat simula pa man ay mayroon nang exchange of messages between Coco, his management and Ben.
Hahangaan mo rin ang humility ni Ben Chan. Simula pa man ay aware na si Ben na kailangan niyang depensahan si Coco bilang isang endorser ng kanilang produkto. Ipinaramdam ni Ben ang mataas na respeto kay Coco bilang parte ng kanyang Bench family.
Patuloy ang magandang samahan ng Bench at Coco. Isa ito sa masasabing ideal relationship ng endorser at ng may-ari ng kompanya.
Kasabay ng meeting nina Coco at Ben ay ang photo shoot ng aktor para sa Holiday campaign ng Bench. Kaabang-abang ang holiday campaign ng Bench na magsisimula ngayong November.
Speaking of Coco, isang malaking celebration ang magaganap kaugnay ng birthday (on November 1) at 10th anniversary celebration nito. Lahat ng mga taong naging bahagi ng 10 successful years niya sa showbiz ay makakasama sa selebrasyong ito, kasama na ang Bench.
