HATAW! D'yaryo ng Bayan hatawtabloid.com
INABOT ng ten years bago na papayag si Michelle Madrigal na sumabak sa sexy project. Pero sulit naman daw ang paghihintay niya sa pelikulang Bacao, na official entry sa Sineng Pambansa Horror Plus Film Festival na ipalalabas mula Oct. 29 to Nov. 4 sa SM Cinemas nationwide.
Ang Bacao na mula sa Oro de Siete Productions Incorporated ang biggest break ni Michelle dahil siya ang only choice ni Direk Edgardo Vinarao na gumanap bilang Ma-yet, ang sensuous lass na pinagnanasaan ng mga kalalakihan sa isang baryo.
“Doon ako nag-isip talaga, sa mga love scenes. Ang gusto ko kasi, hindi porke solo movie ay parang nagpaseksi lang. Kaya sinabi ko talaga kay direk kung ano ang makakaya ko. Sinabihan ko siya na i-highlight din ang mga drama para maipakita ang versatility ko.
“May offer na ako noon na indie, may breast exposures din. Kaya lang, hindi ko pa talaga kaya noon.
“Dito naman, kailangan talaga sa movie iyong mga love scene e, kasi mag-asawa kami na wala pang anak. Siyempre, kailangan ipakita na nagta-try talaga kami na magka-baby,” paliwanag ni Michelle na sinabi rin na ilang ulit silang nag-sex dito ni Arnold Reyes sa lahat daw ng sulok ng bahay nila at pati na rin sa maisan.
“Six years na kaming kasal dito tapos hindi pa kami magka-baby. Tapos lumapit ako sa isang albularyo, si Tito Leo (Martinez). Sinabi ko sa kanya na lahat ay gagawin ko para magka-baby, tapos he tried to rape me.
“Topless talaga ako rito, dalawang beses, pero side view lang at walang frontal,” dagdag pa ng magandang aktres. Ayon pa kay Michelle, sulit ang pagpapaka-daring niya sa Bacao at pagpapasilip ng boobs, dahil ito raw ng tipo ng pelikulang hindi niya pagsisisihang ginawa.
Pero, nilinaw niyang hindi porke nagpaka-daring siya rito sa Bacao ay magtutuloy-tuloy na ang paggawa niya ng sexy o daring na pelikula.
Nonie Nicasio
