HATAW! D'yaryo ng Bayan hatawtabloid.com
ni Pilar Mateo
THE dream begins!
Magpapakitang-gilas na sa role na iniatang sa kanya sa MMK (Maalaala Mo Kaya) ang second big placer ng PBB (Pinoy Big Brother All In) na si Maris Racal na mapapanood ngayong Sabado (October 18) sa ABS-CBN.
Gagampanan ni Maris ang katauhan ni Myla, ang mapagmahal at masipag na anak ng seaman na si Dionisio (Nonie Buencamino).
Dahil unica hija, siya ang paboritong anak ng ama kaya ganoon na lang din ang paalala nito sa pagpapa-igi sa kanyangpagsisikap na makamit ang mga pangarap sa buhay.
Pero dumating ang lamat sa buhay nila nang magka-problema ang ama’t ina. Sanhi para magkaroon na ng pagkukulang si Dionisio sa kanyang mag-iina. Saan susuling si Myla sa nakagisnan niya sa ama at sa kinahantungan nito sa huli?
Also in the episode are Dexie Daulat, Mickey Ferriols, Eva Darren, Tony Mabesa, Encar benedicto, Jong Cuenco, Alfred Labatos, Yogo Singh, at Lui Manansala sa direksiyon ni Joan Habana.
Dalawampung taong tinangkilik at patuloy na pinatutuloy sa bawat tahanan ng bawat Filipino saan man sa mundo ang MMK—ang istorya ng bawat isa sa atin—nagpapa-ngiti, nagpapa-iyak at nagbibigay-inspirasyon sa bawat kuwento ng buhay mula sa letter-senders sa buong mundo.
