Isabel, sobrang kinilig at na-excite sa proposal ni John

ni Rommel Placente

AMINADO si Isabel Oli na excited na siyang makasal kay John Prats pagkatapos nitong mag-propose sa kanya at maging engaged na sila.

“I’m really, really happy and I’m really excited and I am really looking forward sa wedding mismo,” sabi ni Isabel.

Patuloy niya, “Before the proposal, I had no idea so relax lang, chill lang. I really thought na parang dapat kasi may birthday party for the mom of John, si tita Alma, so ‘yon ‘yung nasa isip ko.

“So noong nangyari na ‘yung proposal parang ang daming pumasok sa isip ko na parang anong nangyayari, hindi ko naintidihan.

“Sabi ko ano ‘to proposal, anniversary, event ba ni Sam Milby. Kasi si Sam Milby ang una kong nakita, eh. Pero noong after naman (the proposal), sobrang nanginig ako, ‘yung excitement at saka ‘yung saya at kaba nag-combine na nanginginig ka. Kaya I really cried, hindi ko ma-contain ‘yung sobrang kilig.”

Kinompirma ni Isabel na ang kasal nila ni John ay magaganap sa susunod na taon.

“It’s in 2015, in the Philippines, wala pang theme pero I’m sure it’s going to be a simple one.”