Paulo, ‘di man nakadalaw kay KC, panay naman ang tawag

ni Ambet Nabus

NAOSPITAL pala si KC Concepcion noong Sabado nang dahil sa dengue. Kaya raw pala on and off ang lagnat ng aktres na pinag-uusapan nga ang kakaibang atake sa kanyang bida-kontrabida role sa book ng Ikaw Lamang.

Sa kanyang Instagram account nga ay sinabi ni KC na two days na siyang may lagnat na pabalik-balik kaya nagpa-confine na siya sa ospital. Ilan sa mga co-stars niya sa nasabing soap gaya nina Amy Austria-Ventura at Alora Sasam ang dumalaw, pati na ang iba pa niyang mga kaibigan.

Walang balita o tsika kung dinalaw siya ng napapabalitang special friend niyang si Paulo Avelino, pero marami ang nagsasabing madalas naman itong kausap sa cellphone ng magandang aktres.

Anytime soon daw ay lalabas na rin si KC at inaasahang sa pagbabalik niya sa soap na two weeks na lang palang eere ay may mga pasabog pa ang role niya. Balita ring isang malaking pelikula ang gagawin niya after ng soap.