HATAW! D'yaryo ng Bayan hatawtabloid.com
KALABOSO ang isang pekeng pulis at dalawang kasama sa isinagawang dragnet operation kahapon sa Quezon City.
Kinilala ni Quezon City Police District (QCPD) director, Senior Supt. Joel D. Pagdilao ang suspek na si Rodel Tojoy, 24, tubong Masbate, security guard, ng Purok 3, Brgy. Turbina, Calamba City, nagpakilalang isang pulis.
Arestado rin ang dalawang kasama ni Tojoy na sina Venjamin Ibañez, 19, ng Brgy. Matandang Balara, Quezon City, at Kevin Ebasabal, 27, ng Greenland Subdivision, Vinuya, San Mateo, Rizal.
Ayon sa ulat, dinakip si Tojoy ng mga pulis sa isang checkpoint nang magpakilalang pulis habang suot ang itim na jacket at may bitbit na cal. 38 at posas. Habang inaresto rin ang dalawa niyang kasama na sina Ibañez at Ebasabal.
Nauna rito, naglatag ng checkpoint ang Quezon City Police District (QCPD) Station-10 dakong 12:35 a.m. sa Brgy. Don Manuel.
Nang dumating ang mga suspek, imbes na huminto ay ipinaharurot ang motorsiklong walang plaka kaya hinabol ng mga pulis hanggang sa maabutan sa Sct. Tobias kanto ng Dr. Lazcano St., Brgy. Laging Handa sa lungsod.
(JETHRO SINOCRUZ)
