HATAW! D'yaryo ng Bayan hatawtabloid.com
KATUWANG pala ni Aga Muhlach ang misis niyang si Charlene Gonzales-Muhlach sa pag-aasikaso ng property nila na gagawing negosyo.
Magka-text kami ni Mommy Elvie Gonzales, ina ni Charlene tungkol sa ibinigay nilang Labrador retriever sa amin at sabay kumusta sa anak niya na sabi namin ay sana maging visible na sa telebisyon.
Ang sagot sa amin, “maybe not so soon, busy developing their property and planning to take her masters in Harvard University, Cambridge Massachusetts, USA.”
Binanggit namin kung ito ‘yung nabiling property ni Aga sa Batangas pero hindi na nagbigay pa ng detalye ang ina ni Charlene.
May nagkuwento sa amin na kaya raw hindi aktibo ngayon si Aga ay dahil mas nag-eenjoy itong asikasuhin ang mga negosyo tulad sa ipinagagawa niyang subdibisyon sa nabanggit na probinsiya.
At marahil ay related sa business ang kukunin ni Charlene sa Harvard University para tulungan sa pagma-manage ang mister niya ng kanilang negosyo.
Kuwento pa sa amin ng nakatsikahan ni Aga, “mas malaki ang kita ni Aga sa real estate kasi nai-convert niya into resort cum subdivision ang nabili nilang lupa sa Batangas, pinatayuan na ng mga bahay at lahat halos ng kaibigan niyang artista ay bumili na, kaya isipin mo ‘yun. Mautak si Aga, ‘Gee, magaling sa negosyo.”
Sa madaling salita, matagal pa ang paghihintay ni Ms Lea Salonga kay Aga para sa pelikula nilang noon pa sana dapat naumpisahan.
ni Reggee Bonoan
