KC, tinapos pa rin ang taping ng Ikaw Lamang kahit mataas na ang lagnat

MASKI na nilalagnat na si KC Concepcion ay hindi pa rin siya nagpa-pack up dahil pinilit nitong tapusin ang natitirang eksena sa seryeng Ikaw Lamang.

Oo nga naman, ayaw ng aktres na maging cause of delay siya lalo’t nalalapit na ang pagtatapos nito.

Nitong Sabado (Oktubre 11) ay nagpa-check up na siya sa ospital at hayun, positibo siya ng dengue kaya na-confine na kaagad.

Noong Linggo ng gabi ay nag-post na si KC sa kanyang Instagram account ng, “Hi guys, nag positive ako for Dengue kahapon (Sabado). Kaya pala ako nagkaka-high fever na on/off these past 2 days. I’m confined sa hospital Pero I know I’ll be ok!!!” Thank you for your prayers.”

Base rin sa post ng aktres sa IG ay dinalaw siya nina Amy Austria na nanay niya at Alora Sasam bilang yaya sa Ikaw Lamang.

Sabi sa post ng aktres, “Naaaayyy @amyaventura, thank you po sa pag dalaw, love you po  And sa mahal kong ‘Cindy’ @unitednationsofalora thank u din super!!!”

Si Paulo Avelino kaya ay nakadalaw na rin kay KC?

Anyway, kanya-kanyang hula ang avid viewers ng Ikaw Lamang sa kung ano ang mangyayari sa ending at ang ilan sa mga sinabi ay:

“Mamamatay si Amy Austria kasi hindi papayag si Christopher (de Leon) na magkatuluyan sila ni Joel Torre. Or si Joel ang mamamatay.”

“Parehong patay sina Samuel (Joel) at Franco (Christopher).

“Patay si KC (Natalia) kasi ililigtas niya nanay niya (Amy/Isabel) dahil babarilin ng tatay (Franco) niya at ni Mylene (Dizon).

“Magkakatuluyan sina Gabriel (Coco Martin) at Jacq (Kim Chiu).”

Dapat talagang maging happy ending ang Ikaw Lamang dahil kung hindi, magwawala ang supporters ng serye lalo na ang Gabriela at ibang women’s group na gustong-gusto si Coco Martin.

ni Reggee Bonoan