Alden, wish makapag-host ng Binibining Pilipinas at Ms World Philippines

ni John Fontanilla

ANG estilo raw ng pagho-host ng American Idol host na si Ryan Seacrest ang gustong gayahin ni Alden Richads.

“Siguro ang peg ko pagdating sa pagho-host si Ryan Seacrest kasi magaling siya pero siyempre iba pa rin si Ryan at iba pa rin ako.

“Siguro ginagawa ko siyang guide kung paano maging mahusay na host, pero mas gusto ko na magkaroon din ako ng sarili kong estilo ng pagho-host.

“Para lang kasing acting ‘yan, kung ano ‘yung naramdaman mo ‘yun ang ibigay mo, at ‘pag nagawa mo ‘yun ng maganda puwede ka na ha ha ha.

“Si Ryan iba ‘yung galing niya, hindi niya inaarte natural na natural lang kaya nga bukod sa akin marami ang umiidolo sa kanya.”

Gusto rin daw ni Alden na makapag-host ng isang malaking beauty pageant. “Sana! kasi dream ko kasi na makapag-host ng Binibining Pilipinas at Ms. World Philippines.

“Ibang angle na naman ‘yan, mas professional hosting ang requirements, hopefully bigyan ako ng chance. Tingin ko naman baka puwede na,” pagtatapos ni Alden.