Anne, na-awkward maki-paghalikan kay Alexander (Pagiging inosente ni Anne, ikinatuwa ng Hollywood actor)

INTERNATIONAL star na nga ang aura ni Anne Curtis nang humarap ito sa presscon ng Blood Ramson na nagtatampok din sa Hollywood actor na si Alexander Dreymon kasama sina Samuel Caleb Hunt at Jamie Harris. Mula ito sa screenplay at direksiyon ni Francis dela Torre para sa Tectonic Films.

Very proud si Anne sa kanyang first Hollywood movie na mapapanood na sa Oktubre 29 dito sa ‘Pinas at sa Oktubre 31 sa US.

Nag-audition pala si Anne para sa papel ni Crystal, ang love interest ng kinatatakutang si Roman. Magkakaroon siya ng affair kay Jeremiah (Dreymon), ang taong utusan ni Roman para hagilapin at kidnapin ang nagtatagong si Crystal para ibalik sa kanya.

Sey ni Anne sa kanyang Twitter account, “Something to look forward to next month (October)! My very first international indie film. I actually auditioned to get this part and got to experience filming in the States! So excited to see how it turned out! Yaaaaaaahooooo.”

Sa kuwento ni Anne ukol sa kung paano siya nakuha sa Blood Ransom, “Two years ago, I was told there’s an audition here and I decided to give it a shot.

“I did a script reading and I was surprised when I was told later that I got the part. It wasn’t coursed through Viva so I had to inform them about, and also ABS-CBN, because I’d be staying in Hollywood for more than a month to shoot the film. Pinayagan naman ako. It was so much fun. I had an enjoyable experience and it’s a different kind of world. Ibang-iba ang working hours nila. They’re very strict, hindi gaya rito sa atin na inaabot ng magdamag.”

Bukod kay Anne, may iba pang Filipino actor ang kasama sa pelikula, ito ay sina Suzette Ranillo at Jonjon Briones.

Bagamat isang horror-action thriller ang pelikula, may mga sexy scene na ginawa rito si Anne. Napag-alaman naming na-awkward siya sa halikan nila ni Alexander.

“Locally, the sexiest love scene I’ve done was in ‘No Other Woman’. Mas grabe ‘yung love scene namin dito. At first, it was very awkward for me. Kasi, rito, we don’t do French kiss, ‘yung labas ang dila. So roon, we kiss but the director keeps saying he wants it to be more passionate. Alexander told me, ‘I think he wants us to French kiss’. So ako naman, ‘Uh, okay’. And so I did it with him, kasi normal lang ‘yun sa kanila but dito, we don’t do it. So Alexander is the first guy with whom I had French kissing on camera. Sexy talaga ‘yung love scene but the director says it’s very tastefully done and I survived it,” medyo nahihiyang natatawang kuwento ni Anne.

Samantala, inosente naman ang tingin ni Alexander kay Anne nang tanungin ang aktor kung tinuran ba ni Anne si Alexander ng mga naughty Tagalog word. “Anne is so innocent,” giit ni Alexander.

ni Maricris Valdez Nicasio