PAO Chief Acosta, tagapagtanggol ng mga inaapi!

MULI naming nakita ang kasipagan ng hepe ng PAO (Public Attorney’s Office) na si Atty. Persida Acosta. Nalaman namin na patuloy pa rin ang paghahanap niya ng katarungan sa maraming kababayan natin.

Ukol sa MV Princess of the Stars at kay PMA Cadet Aldrin Cudia ito ang na-ging pahayag ni Atty. Acosta.

“Busy pa rin kami sa PAO, yung sa kaso ng MV Princess of the Stars na lumubog, tuloy-tuloy po ang hearing sa Cebu. So next month, October 21 to 22…Sa Manila naman, naka-37 witnesses na kaming nai-present.

“We have to present around 75 witnesses sa Manila, doon naman sa Cebu, around 50 witnesses. Sabi ko nga, hindi ko tantanan ‘yung case, tatapusin ko ito para magkaroon ng hustisya ‘yung mga namatay, ‘yung nawala na hanggang ngayon ay hindi nakikita,” saad niya.

“Kay Cadet Cudia, sana pabilisin ng ating Supreme Court ‘yung decision at maa-ring sa tulong na rin ninyo, kung inyong pakikiusapan sa pa-mamagitan ng inyong mga pa-nulat na sana ay tapusin na ng Supreme Court ang kaso ng taga-PMA na hindi naka-gra-duate dahil nahuli ng dalawang minuto lamang. At dahil sa da-lawang minuto, nagpaliwag siya at ang sinasabi ay sinu-ngaling na siya.

“Dahil sa dalawang minuto lang ay nasira ang buhay niya, pero pilit nating binubuong muli,” pahayag pa ng PAO chief.

Bukod sa dalawang kasong ito, marami pa si-yang naibalitang kaso na tinututukan nila para makakuha ng hustisya sa mga biktima.

Sa pakikipagtsikahan niya sa press, napag-usa-pan din na dahil sa pagi-ging matapang at ta-pat sa tungkulin ni Atty. Acosta ay marami ang humihikayat sa kanya para kumandidatong senador. Kahit ang mga member ng entertainment media ay marami ang gustong su-mabak siya sa susunod na senatorial race, kabilang na kami roon dahil nakita namin ang dedication at sipag ng PAO chief.

Pero hindi pa raw siya nakapagdedesisyon talaga dahil naghihintay pa siya ng sign.

Ukol naman sa planong pagsasapelikula ng buhay niya, ayaw niyang banggitin kung sino ang nakikipag-negotiate sa kanya.

Suggestion sa kanya ng marami ay sina Nora Aunor, Bea Alonzo, Lorna Tolentino, Alice Dixson, at Eula Valdes ang gumanap sa kanyang katauhan. Pero ayon Atty. Acosta, kahit sino raw ay walang problema sa kanya.

ni Nonie V. Nicasio