HATAW! D'yaryo ng Bayan hatawtabloid.com
NAPAKA-COOL mom pala ng nanay ng anak ni Paulo Avelino na si LJ Reyes dahil okay sa kanyang makilala ni Aki ang girlfriend ng aktor na si KC Concepcion.
Sabi ni LJ, “okay naman siguro ipakilala, kung seryoso naman sila sa isa’t isa, okay naman siguro. Kung long-term naman ‘yung vision nila sa relationship nila sige, pero kung short time (relasyon) lang, huwag naman kasi baka malito ‘yung bata.”
At kung sakaling sina Paulo at KC na nga, “ay okay ako, turuan niya si Aki ng (magsalita) ng French, kasi ako Chinese lang kaya kong ituro, ha, ha, ha.”
Sabi pa, “hindi ko personally kilala si KC, pero kilala naman siya ng lahat ng tao, so go, kung sila why not alam ko, she’s (KC) a very smart lady at alam kong maganda ang family values niya.”
Binanggit namin kay LJ na carbon copy ni Paulo si Aki mula ulo hanggang paa, pati gupit ng buhok, pati katawan, ngipin, at pagngiti.
Sabi pa namin na kaya hindi n’ya nami-miss si Paulo dahil katabi niyang matulog ang kamukha nito, “ha, ha, ha, ha, ganoon ba ‘yun?”
OKEY LANG MAKASAMA SA ISANG PROJECT
Okay lang din sa aktres na makasama si Paulo sa isang project, “oo, okay lang sa akin, kung maganda ang project why not? Hindi naman ako maarte, at saka trabaho ‘yun, sayang.”
Hindi ba maiilang si LJ? Kadalasan kasi kapag mag-ex na ay ayaw na nila magkasama sa project.
“Ako kasi alam ko posisyon ko sa buhay kaya okay lang ako, trabaho ‘yun, eh, at saka civil naman kami ni Pau , nag-uusap kami ‘pag tungkol kay Aki,” paliwanag ng aktres.
May trust fund ba si Paulo for Aki,? “Inaayos pa niya, ha, ha, ha. Mayroon naman ako (para kay Aki), pero siyempre sa kanya rin.”
WALA PANG IPINAPALIT KAY PAULO
Tinanong namin kung may boyfriend si LJ, “wala as in, paano ako magkakaroon, may ‘Yagit’ project ako, nag-aaral pa ako (tinatapos ang kursong economics) tapos mommy pa ako, so saan ko pa isisingit? At saka, wala pa sa loob ko, work muna at tapusin ko lang studies ko, lalo na ngayon, nag-i-air na ang ‘Yagit’ sa October 13, kontrabida ang role ko.”
EXCITEDSA THE JANITOR
Samantala, kasama si LJ sa The Janitor ng APT Films na distribute naman ng Star Cinema at excited ang aktres na napasama siya dahil ang gagaling daw ng mga kasama niya tulad nina Richard Gomez, Dennis Trillo, Alex Medina, Nicco Manalo, Sunshine Garcia, Ynez Veneracion, at Derek Ramsay na idinirehe ni Michael Tuviera.
At dahil Star Cinema ang maglalabas ng The Janitor kaya tinanong namin si LJ kung unang beses siyang dadalo sa pa-presscon ng nasabing movie outfit.
“Oo, pero hindi ko first time na tutuntong kasi nakapag-shoot na ako pero came role lang ng ‘She’s The One’ na pelikula nina Dingdong Dantes at Bea Alonzo na idinirehe ni Mae Cruz.
“Cameo lang talaga hinila lang ako ni Perry (Linsangan-manager niya) tapos nag-shooting kami sa loob ng ABS-CBN, hindi naman first time,”say ng magandang mommy ni Aki.
ni Reggee Bonoan
