Dementia, gustong mapanood ng mga batang nasa bahay ampunan

ni Vir Gonzales

ILAN sa mga kabataang nanabik mapanood ang movie naDementia ni  Nora Aunor ay ang mga ulila sa orphanage sa San Martin de Pores sa Bustos, Bulakan.

Doon nag-shooting si Guy at inabot ng maraming araw. Ipinalangin nilang kumita ang pelikula.

Napakabait daw ng aktres noong mag-shooting sa Bustos at kinantahan siya ng mga ulila. Hindi akalain ng mga ulila na pakakainin pa sila ng Superstar dahil nagpahanap ito ng isang lechon kahit gabi  na at ipinakain sa kanila.

Problema lang ng mga nabanggit na ulila, hindi nila mapapanood ang movie dahil nasa gitnang bukid sila nakatira at walang sinehang  panonooran.

May nagbulong sa amin, bakit hindi nila padalhan ng VCD ng Dementia ang mga bata para masaksihan nila ito.