HATAW! D'yaryo ng Bayan hatawtabloid.com
PARATI pala talagang nasa taping ng Talentadong Pinoy si TV5 executive, Ms. Wilma V. Galvante at hindi naman sinabi ang dahilan.
Ang host nitong si Robin ang nagsabing, “eh, kaya ko tinanggap itong ‘Talentadong Pinoy’ dahil kay ma’am Wilma, kaya siya nandirito.”
Masayang ibinalita sa amin ng executive na natutuwa siya dahil nasa Top 10 ang Talentadong Pinoy sa AGB Nielsen TV ratings weekends, “so far, sa mga programa ng TV5, ‘Talentadong Pinoy’ lang ang pumasok kaya nakatutuwa.”
So, may season 3 ang TP, “next year na siguro.” Say sa amin ng bossing ng TV5.
Ang ibinalita sa amin ni Ms. Wilma ay may sitcom si Derek Ramsay bukod sa Amazing Race na mapapanood na sa Oktubre 6.
“Makakasama ni Derek si Empoy, the title is ‘Mac and Cheese’, ‘yun ang abangan ninyo, nakatutuwa talaga, ang galing ni Empoy,” masayang say ni WVG.
Natanong din namin ang kaso ni Sharon Cuneta na hindi tinapos ang kontrata sa TV5 kung hindi ba ito hahabulin ng network?
“Hindi ko nga alam ‘yun, eh, kasi nasa ibang bansa ako that time, nabasa ko na lang. Wala akong alam tungkol doon kasi wala pa naman ako noong kinuha siya at hindi rin naman ako nagtatanong sa management,” sabi sa amin.
At ang sagot sa mga tsikang nagtitipid ang TV5 kaya hindi na sila nagre-renew ng mga artista nila.
“Yes, per program contract na lang sila. It’s management decision din na hindi na lang mag-renew, kasi it’s useless na iko-kontrata mo ang mga artista tapos wala rin namang programang maibibigay, mahirap din ‘yun sa management side, so it’s per program basis na lang,” pag-amin ni WVG.
ni Reggee Bonoan
