HATAW! D'yaryo ng Bayan hatawtabloid.com
KAHIT ano pa ang sabihin ng iba riyan noong time na nasa GMA 7 pa si Richard Gutierrez, siya ang may hawak ng titulong “Primetime King.”
Hindi naman siguro makukuha ni Richard a
ng titulong ito kung wala siyang napatunayan sa network na kinabilangan.
Yes, halos lahat ng project ni Chard sa Kapuso ay pumatok sa televiewers. Ilan sa mga ginawa niya na kumita nang limpak-limpak na salapi ang estasyon ang Mulawin, Majica at Captain Barbel.
Hindi lang ‘yan, kahit ‘yung mga Docu program na ipinahawak nila noon sa gwapong aktor bukod sa nagkamit ng award ay marami rin ang sumuporta sa programa. Dumating pa sa punto noon na dahil sa sobrang in-demand sa dami ng project ay walang binatbat kay Richard ang mga kasabayang kapwa Kapuso actor lalo’t hindi lang hit sa TV kundi maging sa pelikula rin ng GMA Films.
Pero dumating ang time na hindi na masyadong kagandahan ang proyektong ibinibigay sa nasabing actor na naging dahilan yata kaya hindi na nag-renew ng kontrata. Ngayon ay may bagong alok ang GMA kay Chard, pero short term lang. Sila sana ng live-in partner na si Sarah Lahbati ang bida sa isang episode sa bagong weekly show.
Siyempre tumanggi ang anak ni Tita Annabelle Rama dahil hindi naman siya baguhan o isang starlet sa industriya para bigyan lang ng maikling exposure. May ganito rin daw offer ang TV 5 na one week guesting na si Chard pa rin ang bida pero agad nag-decline ang aktor.
‘Yung Talentadong Pinoy tinanggap niya dahil judge lang siya roon pero para sa project na pang-one week lang ay very insulting naman siguro on his part, ‘di ba? Kita n’yo naman kahit ginaganyan nila si Richard bukod sa very happy at contented sa piling ni Sarah at sa super cute nilang anak na si Baby Zion ay mataas rin ang rating ng kanilang Reality TV show na “It Take Gutz To Be A Gutierrez” na pinagbibidahan ng buong pamilya.
Papa Chard, congrats gyud!
ni Peter Ledesma
