HATAW! D'yaryo ng Bayan hatawtabloid.com
MULA nang gumanap sa MMK sina Manolo Pedrosa at Janella Salvador, lalong nakita kung gaano kalakas ang hatak nila sa fans. Maganda ang naging feedback sa paglabas ng dalawang bagets sa drama anthology ni Ms. Charo Santos.
Sa ganda ng pagtanggap ng fans kina Manolo at Janella, nakatakda silang bigyan ng sariling TV show ng ABS CBN.
Sa panayam kay Janella sa Aquino & Abunda Tonight, nabanggit niya na ang working title ng forthcoming show nila ay O.M.G. na siyang favorite expression ng dalaga sa top rating daytime show nilang Be Careful With My Heart.
Ayon pa k ay Janella, bukod kay Manolo ay makakasama rin nila rito si Marlo Mortel, katambal niya sa show na pinagbibidahan nina Sir Chief at Maya.
Sa parte ni Manolo, natutuwa siya sa pagkakataong ibinigay sa kanya para makatrabaho si Janella.
“Sobrang mabait siya kahit sobrang may experience na siya sa acting, she’s very patient with me. Kasi ako, sobrang nahirapan na ako at kahit marami na akong take, mabait pa rin siya.”
Hanga rin si Manolo sa ganda at kabaitan ng aktres, “I would say mabait si Janella at maganda siya.”
Ayon naman sa manager ni Manolo na si katotong Jun Reyes, natutuwa siya dahil maganda ang chemistry nina Janella at Manolo. Malakas din daw ang pampakilig ng dalawa sa fans.
Nagpapasalamat din si Jun sa suportang ibinibigay ng Kapamilya Network kay Manolo.
“Thankful kami sa ABS CBN, kasi puro magagandang projects ang ibinibigay nila Kay Manolo. Like sa Luv U, binigyan siya ng magandang role kasama si Miles Ocampo dito. Tapos sa MMK si Janella naman and ngayon ay napapanood na rin si Manolo sa Hawak Kamay at maganda ang exposure niya rito.”
Nonie V. Nicasio
