HATAW! D'yaryo ng Bayan hatawtabloid.com
ni John Fontanilla
MAGKAHALONG lungkot at saya ang naging Thanksgiving Party ng hit serye na Be Careful with my Heart.
Masaya dahil muling nakasama ng buong casts and crew ang mga press at malungkot dahil sa announcement na tatapusin na nila ang fairytale story nina Maya at Sir Chief na magtatapos sa Nov. 28, 2014.
Kaya naman marami sa kapatid sa panulat ang nalungkot dahil marami pang ini-expect ang mga ito sa mga susunod na mangyayari sa pamilyang minahal ng mga manonood ‘di lang sa Pilipinas maging sa ibang bansa.
At sa nalalapit na pamamaalam ng Be Careful…may mga bagay daw na gustong ipaalala sina Jodi Sta. Maria at Sir Chief (Richard Yap) sa kanilang masugid na manonood patungkol sa kanilang serye.
“Sa tuwing maiisip nila kami, babalik sa puso nila ‘yung lahat ng moments ng programa na nagdulot ng ngiti sa kanilang mga labi at nabigay sa kanila ng say, pag-asa, at inspirasyon,” ani Jodi.
“Bukod sa kasiyahan at pag-asa sa buhay, gusto ko sanang maalala ng viewers ang ‘Be Careful with my Heart’ bilang teleseryeng nagturo sa kanila na gumawa ng mabuti sa ating kapwa,” sambit naman ni Richard.
Kaya naman daw ‘wag pahuhuli at tutukan ang nalalabing ilang buwang pagpapalabas ng Be Careful with my Heart, araw-araw, 11:30 a.m. sa Primetanghali ng ABS CBN bago mag-It`s Showtime.
