KZ, best interpreter sa Himig Handog!

WAGI ang awiting Mahal Ko o Mahal Ako na komposisyon ni Edwin Marollano at inawit ni KZ Tandingan sa katatapos na Himig Handog Pinoy Pop (P-Pop) Love Songs 2014 noong Linggo, September 28 sa Araneta Coliseum.

Tinalo ni Marollano ang 14 pang kapwa songwriter-finalists at siya ang nag-uwi ng P1-M cash prize at isang tropeong idinisenyo ng kilalang iskultor na si Michael Cacnio. Tumanggap din ng ABS-CBN.com Favorite Interpreter Award si KZ.

Second Best Song ang Halik Sa Hangin ni David Dimaguila at kinanta nina Ebe Dancel at Abra, 3rd naman ang Mahal Kita Pero ni Melchora Mabilog na inawit ni Janella Salvador, Walang Basagan ng Trip ang 4th Best Song, komposisyon ni Eric De Leon na inawit nina Jugs at Teddy, at Hindi Wala ang 5th Best Song ni Nica del Rosario na inawit ni Juris.

Iginawad naman ang mga special award ng pinakamalaking multimedia songwriting competition sa bansa, tulad ng Star Cinema’s Choice Award sa Halik sa Hangin; MYX’s Choice for Best Music Video Award sa Mahal Kita Pero (music video director: San Beda College Alabang); Star Music Listerners’ Choice Awards sa Bumabalik Ang Nagdaan (komposisyon ni Sarah Jane Gandia na inawit ni Jessa Zaragoza); MOR 101.9 Listerner’s Choice Awards at ABS-CBNmobile Fan Favorite Award sa Simpleng Tulad Mo (komposisyon ni Meljohn Magno na inawit ni Daniel Padilla);

TEC’S Choice Award at StarStudio Readers Choice Award sa If You Don’t Want to Fall (komposisyon ni Jude Gitamondoc na inawit ni Jed Madela).

Ang Himig Handog 2014 album ay mabibili na sa record bars sa buong bansa sa halagang P299 lamang. Maaari nang madownload ang digital tracks sa halagang P25 kada isa sa Starmusic.ph, Amazon.com, Mymusicstore.com.ph, at iTunes.

ni Maricris Valdez Nicasio