HATAW! D'yaryo ng Bayan hatawtabloid.com
PATAY ang mag-ina habang sugatan ang isa pang anak nang pagsisibakin ng palakol sa loob ng kanilang bahay sa Bgy. Tamban, Malungon, Sarangani province.
Kinilalang ang mag-inang namatay na sina Lina Kalibay, 38, at Arcelin, 3, habang nasa pagamutan ang isa pang anak na si Angeline, 7.
Ang mag-iina ay pinalakol ng mag-amang alyas Dodong at Romnick Poster.
Sa ulat ni Insp. Jaime Tabucon, ng Malungon PNP, dinatnan nila ang mag-ina na wala nang buhay, tadtad ng sugat sa katawan, habang humihinga pa si Angeline na agad isinugod sa ospital.
Sa imbestigasyon ng pulisya, matinding galit ang nagtulak sa mga suspek para isagawa ang krimen nang mapikon sa kantiyaw ng padre de pamilya ng mga biktima.
Nabatid, tinukso ang mga suspek na hindi naliligo at nagsesepilyo kaya nagtanim ng galit hanggang gumanti nang pasukin ang bahay ng mga biktima.
Matapos ang krimen, agad sumuko si Romnick pero nakatakas ang ama.
HATAW News Team
