Ranty, iniwan ang pagiging seaman dahil sa pag-aartista

ni Alex Brosas

HUMANGA si Ranty Portento kay Adam Sandler nang makita niya ito sa cruise line na kanyang pinagtrabahuhan.

“Mabait siya. Puwede siyang kausapin kaso hindi ko siya guest, eh, at saka VIP siya noong pumasok sa barko. Mabait siya, sobrang humble niya, down to earth,” chika sa amin ni Ranty na bagong alaga ni Tito Alfie Lorenzo.

When we asked him kung bakit nasabi niyang mabait ang Hollywood actor, he explained,”Halimbawa, ‘pag pagbubuksan siya ng pinto, minsan pababayaan niya, siya ang magbubukas. Dapat ay sa amin ‘yon. Pero ‘yung simpleng pag-asikaso naming pinapabayaan niya. Halimbawa, oorder siya ng inumin, nasa table na siya pero pupunta pa siya ng bar para siya na ang kumuha. Ayaw niyang magpaasikaso. Parang ang gusto niya ay feeling normal lang na tao, regular na tao.

“He took the Mid-West cruise, the European tour which include Italy, Greece, Croatia and Spain,” dagdag pa ni Ranty.

Desidido si Ranty na maging artista kaya naman tumigil muna siya bilang seaman. Since nakapasok na siya sa showbiz, gusto niyang magtuloy-tuloy ang career at mangyayari ‘yon sa guidance na rin ni Tito Alfie.