HATAW! D'yaryo ng Bayan hatawtabloid.com
TINANONG namin ang executive producer ng Be Careful With My Heart na si Nars Gulmatico kung bakit hindi pa pinaabot ng Disyembre ang pagtatapos ng BCWMH dahil bitin ang November 28.
“Gusto ko namang magpahinga at ayokong ma-stress ng Pasko,” birong sabi sa amin.
“Actually, in fairness to management, binigyan kami ng karapatan to decide kung kailan mag-e-end ‘yung show,” katwiran sa amin.
Paano tatapusin ang kuwento ng BCWMH? Ano pa ang mga dapat abangan dahil parang plantsado na ang kuwento hanggang katapusan?
“Hindi pa, we still have nine weeks to tape, taping pa kami halos araw-araw, abangan nila for the next nine weeks, magbabago ang buhay ng buong pamilya, so they have to watch that.
“Kasi ‘di ba, it’s always been happy, so titingnan natin ang the high, the low of each family, siyempre magbibigkis pa rin sila sa end, kapit bisig ‘yun,” makahulugang sabi sa amin.
So, may mamatay o mawawala sa show?
“Definitely walang mamatay, pero there will be a change of lifestyle, hindi naman sila maghihirap kasi mayaman naman sila (Ser Chief at Maya), hindi ganoon kahirap, kasi nakapagsubi naman si Ser Chief, panoorin n’yo na lang, malapit na,” kuwento ni Nars.
ni Reggee Bonoan
