HATAW! D'yaryo ng Bayan hatawtabloid.com
ni Roldan Castro
“HUWAG naman nilang isipin ang para sa sarili
nila, kawawa naman kaming mga artista na kinakaladkad nila,” pahayag ni Mike Tan dahil nagagamit siya sa isang website na umano’y P25k ang TF sa escort service sa bawat tatlong oras.
Nagpaliwanag na raw siya sa GMA Artist tungkol sa isyung ito na hindi totoo at nakikiusap siya na sana ay tigilan na ang ganyan dahil nakasisira sa pagkatao nila.
Kabilang din sa walang kamalay-malay na nagagamit ang picture nila at pangalan sa nasabing website ay sina Carl Guevarra, Dion Ignacio at ilang mga sexy actor.
Anyway, nagkabalikan sina Mike at LJ Reyes sa paggawa ng pelikulang Bigkis under BG Productions International ni Baby Go. Pitong taon din bago sila nagkasama ulit.
Ex ni Mike si LJ pero hindi naman bumalik ang dati nilang relasyon.
“Wala namang nabuong pagbibigkis sa aming dalawa. Ha!ha!ha! Masaya ako na nakatrabaho ulit si LJ . Sa tagal na hindi namin pagtatrabaho sa isa’t isa, nakaka-surprise na ‘yung lalim ng isa’t isa lalo na si LJ, nakagugulat na makaeksena. Hindi na tulad ng dati na parehas kaming pa-tweetums lang,” aniya.
Ang Bigkis ay mula sa panulat at direksiyon ni Neal Tan na pinagbibidahan nina LJ, Mike, Ms. Rosanna Roces,Enzo Pineda, Rich Asuncion, Pancho Magno, Perla Bautista, at Lauren Young. Isang “advocacy film” tungkol sa buhay at sakripisyo ng mga nanay sa paanakang hospital.
