HATAW! D'yaryo ng Bayan hatawtabloid.com
IBINIGAY na kay Kris Aquino ang letter of ownership na ipinadala sa kanya ng Chowking bilang franchisee at ipinost niya ito sa kanyangInstagram.
Post ni Kris, “Just signed my CHOW KING Franchise awarding papers. My fast food franchise ownership goal is now a reality. (This isn’t part of my contract, I’m paying for my 1st franchise from hard earned money, my CK Family had offered that this be part of my contract renewal package, but I felt that I needed to invest in the company for me to really have the motivation to make my branch & future branches successful.)
“I am now not just an endorser but a stakeholder in Chow King. Thank You JFC for this opportunity!”
Madalas kaming kumain dati sa Chow King branch ni Kris na nasa ground floor na ng Alimall.
Dahil ito ang paboritong fast food ng nanay namin noong nabubuhay pa siya dahil paborito niya ang siopao, lugaw, at halo-halong may ice cream.
Sad to say, may experience kaming hindi maganda sa CK Alimall dahil may langaw na ilang beses naming sinasabi sa staff at sinagot lang kami ng, “hindi nga po namin alam saan galing.”
Hindi namin nagustuhan ang sagot na ito sa amin dahil imbes na humingi ng dispensa dahil paano ka gaganahang kumain kung may lumilipad-lipad sa paligid at hindi naman ito karinderya dahil nasa loob pa mismo ng mall.
Pansin din naming under staff ang Alimall branch kaya hindi kaagad nalilinisan ang mga naglalagkitang lamesa sanhi ng mga natapong ice tea kaya siguro may langaw.
At ngayong si Kris na ang may-ari ng CK Alimall branch, sana maraming pagbabago at sana magdagdag ng staff para hindi naman maghihintay ang mga tao na gustong kumain pero hindi pa nalilinisan kaagad ang mga lamesa.
Maraming kumakain sa CK Alimall branch dahil bungad ito pagpasok mo sa ground floor lalo na sa mga senior citizen na ang madalas orderin ay mga noodle soup dahil mura lang.
ni Reggee Bonoan
