HATAW! D'yaryo ng Bayan hatawtabloid.com
GABI ni Gary Valenciano ang katatapos lang na Star Awards For Music na ginanap sa Solaire Resort and Casino. Apat kasing awards ang naiuwi niya.
Siya ang itinanghal na Male Recording Artist of the Year para sa album niyang With You. Ang concert niyang Arise: Gary V. 3.0 ang wagi bilang Concert of the Year. At dalawang special award ang napanalunan niya, ang Male Celebrity of the Night at Male Star of the Night. In fairness, ang gwapo naman kasi that night ng tinaguriang Mr. Pure Energy ng showbiz sa kasuotan niyang black suit.
Nasa back stage kami pareho ni Gary V. nang banggitin ng presentors na win ang concert niya kaya kitang-kita naming napasigaw siya sa kaligayahan sa pagkapanalo ng concert niya.
After niyang tanggapin ang tropeo niya, sabi niya sa amin ay sobra raw siyang masaya dahil talagang pinaghirapan nila ang kanyang concert na na-appreciate naman daw ng PMPC.
Nang manalo naman si Gary bilang Male Recording Artist of the Year, nakita namin na umiyak siya sa back stage after tanggapin ang trophy. Tears of joy dahil nakuha niya ang isa sa pinakamataas na parangal na ibinibigay ng Star Awards For Music.
Ang sarap bigyan ng awards ng mga taong alam mong maligaya kapag tumatanggap ng awards, ‘di ba?
To Gary V, my idol, our congratulations.
ERIK, PINASALAMATAN SI KUYA BOY
PAREHO namang nanalo ang rumored sweethearts na sina Erik Santos at Angeline Quinto sa nasabing event ng PMPC. Ang album ni Erik na The Erik Santos Collection ang itinanghal na Compilation Album of the Year. Si Angeline para sa album niyang Higher Love ang itinanghal na Female Pop Artist of the Year.
Parehong present sina Erik at Angeline sa event kaya personal nilang natanggap ang kanilang trophy. Mukhang lucky charm nila ang isa’t isa dahil nga pareho silang nanalo ng gabing ‘yun, ‘di ba?
Sa acceptance speech ni Erik ay pinasalamatan niya ang dati niyang manager na si Boy Abunda na malaki ang naitulong sa kanyang career noong siya’y nasa pangangalaga pa nito.
