Tayang ingat at alalay lang

SA pagkakataong ito ay muling tinatawagan ng pansin ang tanggapan ng PHILRACOM na pakatutukang mabuti ang mga Board Of Stewards, pati ang bawat takbuhan sa tatlong karerahan.   Iyan ay dahil sa maraming nakikita o napapanood na gawaing hindi kanais-nais ang Bayang Karerista (BKs), kaya punong-puno ng kontrobersiyal na usapin ang mga social group ng BKs sa Facebook.

Ang una ay iyong nagawang paglingon-lingon ng hineteng si Jeff Zarate lulan ng outstanding favorite na si Princess Haya nung Setyembre 11sa SLLP na animo’y may hinahanap at inaantay? Lalo pang lumala ang galit ng BKs kinabukasan nung mabasa nila sa programa na sumasakay din ang naturang hinete sa koneksiyon nung tumalo sa kanya.   Ika nila ay nagkaroon ng bigayan.

Matapos ang kay Jeff ay napaling naman iyan sa numero unong mananakay na si Jesse Guce, na kung saan ay nagkasunod-sunod na hindi naipanalo ang mga nasakyang outstanding favorite na sina Polonius’s Advice, Marinx at Swim Event. Base sa mga BKs ay tila hindi sinakyan o inayudahang mabuti ang tatlong kabayong iyan ng tama upang manalo. Sa mga beteranong klasmeyts natin sa mga pagkatalong ganyan ay namimiligro ang puhunan ng mga BKs at malilit na horse owners ngayong panahon ng BER-months, lalo na sa mga Class-A riders ? Kaya mga klasmeyts, tayang ingat at alalay lang palagi.

Fred L. Magno