HATAW! D'yaryo ng Bayan hatawtabloid.com
NAKAHANDA na ang lifestyle check sa mga tauhan ng Philippine National Police (PNP) at unang masasampolan ang mga heneral.
Ayon kay Department of Interior and Local Government (DILG) Secretary Mar Roxas, nakipagpulong na siya kay Bureau of Internal Revenue (BIR) Commissioner Kim Henares ukol dito.
Kinonsulta na rin niya si Ombudsman Conchita Carpio-Morales hinggil sa legalidad ng naturang aksyon.
Nakatakdang maglabas ang National Police Commission (Napolcom) ng memorandum circular hinggil sa isinusulong na lifestyle check.
Sabi ni Roxas, hindi ligtas mula sa kautusan si PNP Director General Alan Purisma.
Paliwanag niya, hindi masamang yumaman ang mga nasa hanay ng pulisya basta legal ang paraan ng kanilang pag-unlad.
HOTLINE VS PULIS NA MAY ILEGAL NA YAMAN BINUBUO NA
MAGBUBUO ng exklusibong hotline ang Department of Interior and Local Government (DILG) para sa mga nais magsumbong ukol sa mga pulis na may kaduda-dudang yaman at marangyang pamumuhay.
Pagtiyak ni DILG Secretary Mar Roxas, tututok ito sa pagtanggap ng tip at sumbong tungkol sa naturang kaso.
Ayon sa kalihim, bahagi ito ng kanilang gagawing lifestyle check sa mga pulis.
Siniguro ni Roxas na magiging confidential ang pagkakakilanlan ng mga magbibigay ng impormasyon na magiging gabay sa imbestigasyon.
HATAW News Team
