Direk Joey, nabahag ang buntot kay Tito Alfie

ni Alex Brosas

ISANG malaking duwag pala itong si Direk Joey Reyes.

Ang akala namin ay matapang itong si Direk Joey pero hindi pala. Kung makapagsalita kasi siya ay parang ang tapang-tapang niya pero nababahag din pala ang buntot niya.

Tama ba ang nakarating sa aming chika na nasa first presscon siya ng latest movie niyang nag-flop sa takilya at umiwas na lang kay Tito Alfie Lorenzo na naroon din?

Binastos niya si Tito Alfie nang hindi niya ipinagpaalam na kinuha niya si Juday para sa indie film niya. Nakapag-aral naman itong si Direk Joey, nakapagturo pa sa isang kilalang unibersidad pero bakit ganoon siya? Bakit hindi niya ipinaalam sa manager ni Juday na kinuha niya ang aktres ng libre para sa indie film niya?

Instead of approaching Tito Alfie para mag-sorry ay dali-dali raw na umalis itong si Direk Joey sa venue ng presscon. Kung naging humble lang siya at humingi ng sorry kay Tito Alfie ng personal ay wala ng issue sa kanila.

Si Mother Lily naman ay todo-tanggol kay Direk Joey. Parang nakalimutan na niya na there was one time na binayaran niya ng kalahati ang talent fee ni Juday for three movies dahil ‘yun lang ang kaya niya. Pumayag si Tito Alfie out of pakikisama and now mas pinili pa ni Madera si Direk Joey na isang Johnny come lately lang sa Regal. Mayroon bang talent manager na papayag na kalahati lang ang ibayad na talent fee sa kanyang alaga? Hindi ba’t si Tito Alfie lang ang ganoon?

Sa ‘yo direk Joey na lately ay puro kamalasan ang kinalalabasan ng movie sa takilya, magbago ka na, matuto ka ng humility.