Christian, ‘di pa makahanap ng GF dahil sa sobrang busy

ni Letty G. Celi

LOVELESS ngayon ang poging singer, recording star, concert artist, TV host and actor na si Christian Bautista. Rati may girlfriend siya, foreigner, isang beautiful Thailander pero wala na sila ngayon. Wala naman silang away, siguro raw may mga bagay-bagay na hindi sila magkatugma.

Pero mahal nila ang isa’t isa. Kaya kahit na nagkahiwalay, friends pa rin sila. Eh, feeling ni Christian, at the age of 32 type na niyang magkaroon ng sariling pamilya at dalawang anak na isang lalaki at isang babae.

Dumating din sa punto na gusto na rin niyang mag-asawa ngunit hindi medaling gawin dahil wala siyang girlfriend. Hindi naman pwedeng basta na lamang siyang humila ng babae riyan at itarak ang semilya sa babae. Laking eskandalo kaya! Pero joke only.

Ngayon na mayroon siyang TV drama series na isa siya sa may malaking role na gagampanan, tiyak daw na lilipas ang edad niya dahil magiging sobrang busy na siya.  Mayroon siyang commitment outside the country (singing engagement), promo ng new album niya entitled Soundtrack, na mga revival music ang nakapaloob sa album, then may Sunday hosting & performing siya sa GMA7.

Naging host din siya ni Marian Rivera sa kanyang dance show. Laki ng pasalamat ni Christian dahil very successful ang kanyang career sa GMA7. Dahil sa sobrang busy ni Christian, purnada ang paghahanap ng babaeng pakakasalan at ina ng boy and girl na anak.

Sabagay, ang pag-aasawa nga naman ay dumarating sa ating buhay, maghihintay na lang daw siya para sa right girl na pakakasalan. Dream pala niya na kapag ikinasal, gusto niya sa may bundok na not so high, na kayang akyatin. Then, ang reception ay sa tabi ng beach. Kaya naman maghahanap siya ng beach na may bundok. Sisimulan na raw niya ang paghahanap sa girl, beach, at mountain.

Naku, hindi makakadalo sa wedding ang mga may arthritis. Sabi pa nga ni Christian na siya raw ang mismong mag-i-isketch ng munting chapel na pagkakasalan para magamit niya ang pagiging arkitekto. Tapos sa UP ng arkitekto ang poging artist.