HATAW! D'yaryo ng Bayan hatawtabloid.com
SPEAKING of Trenderas pa rin, kasama rin dito si Ara Mina bilang si Diane. Naitanong namin kay Ara ang tungkol sa kumakalat na balitang buntis umano ang kanyang kapatid na si Cristine Reyes.
Pinasinungalingan ni Ara ang balita at sinabing kaya siguro natsismis na buntis si Cristine ay dahil nagdadalang-tao siya at minsang nasabi ng kapatid niya na gusto rin nitong magka-baby.
Na-meet na rin niya ang boyfriend ni Cristine at okey naman daw iyon sa pamilya nila.
Iginiit pa ni Ara na sakaling magbuntis si Cristine, tiyak na ipaaalam naman iyon ng kanyang kapatid. Pero wala naman daw itong nababanggit tungkol sa pagbubuntis.
Samantala, iikot ang kuwento ng Trenderas sa unti-unting pag-abot ng pangarap ng tatlong bidang sina Isabelle (bilang Isabelle rin), Katrina (bilang Diva), at Lara (bilang Lara). Mula sa pagiging mga simpleng tinder tungo sa pagiging pinakabaogn trending stars ng bayan na magsisimula nang maging viral ang isang video ng kanilang performance sa palengke.
Marami pang sorpresang ihahatid ang programa kaya’t huwag palampasin ang grand entrance ng serye na tiyak magte-trending sa mga mga puso ng televiewers simula sa Sabado, 9:00 p.m. sa TV5.
ni Maricris Valdez Nicasio
