More green jobs sa Nograles bill

BILANG tulong sa pagpapatupad ng Climate Change Act, naghain si Congressman Karlo Nograles ng Davao City, ng bagong panukala na naglalayong makabuo at makapagtatag ng dagdag pang environment-friendly industries at serbisyo na magpapabawas sa masamang epekto ng climate change sa bansa.

Ang panukala, na tatawagin bilang Philippine Green Jobs Act of 2014, ay naglalayong makabuo ng mga oportunidad sa trabaho na hindi makasasama sa kapaligiran sa pamamagitan ng paggamit ng green technology, o bagong ideya na poprotekta sa likas na yaman.

“With the adverse effects of climate change being felt around the world and its increasing threat to lives and properties, nations have found it imperative to facilitate and guide the process of making industries less harmful to the environment,” pahayag ni Nograles.

Ang pagsusulong sa climate-smart industrices at mga serbisyo ay bahagi ng National Climate Change Action Plan, na mandato sa Climate Change Act.

Ang green jobs ay mga oportunidad sa trabaho na magpoprodyus ng mga produkto at serbisyo na magbebenipisyo at poprotekta sa kapaligiran. Ito ay partikular na kinasasangkutan ng business enterprices na gumagamit ng bahagyang likas na yaman lamang sa kanilang proseso ng produksiyon.

Bilang pagbabahagi ng pananaw ukol sa Climage Change Act, kinikilala rin ni Nograles ang mahalagang papel ng labor sa pagpapababa ng epekto ng mga kalidad na dulot ng climate change, at gayon din sa pagpapalakas ng potensiyal na mga benepisyo ng climate change. (HNT)