Dra. Belo, itinangging tinanggal si Ruffa bilang endorser ng Belo Medical

SOBRANG desperada na ba talaga ang mga nagbebenta ng produkto sa online dahil ini-edit nila ang litrato ng mga endorser ng ibang produkto at saka ikakabit ang ibinebentang produkto?

Isa sa biktima ay si Ruffa Gutierrez na nakatawag pansin na naka-post sa social media noong Sabado na may nakalagay na, ‘Vicki Belo fired Ruffa Gutierrez from her Brand Ambassador position after she told Women’s Health the real reason behind her weight loss.’

At naka-quote pa si Ruffa ng,  ”I know I’m not supposed to say this since I endorse Belo’s weight loss treatment. But I only really started to lose weight when I started using the Garcinia Cambogia Diet. Belo’s treatment barely made a difference in my weight.”

Kung sakaling totoo ito ay puwedeng maharap si Ruffa sa usaping legal lalo’t may kontrata siya sa Belo Medical Group.

Kaagad naming kinuha ang panig ni Dra. Vicky Belo tungkol dito sa naka-post sa social media.

“Regs, it’s not true.  It’s just something someone made up to sell their products. Ruffa is still very much a Belo endorser.  In fact, she has a billboard on Edsa for us now,” mensahe sa amin ng may-ari ng Belo Medical Group.

Tinanong namin kung may planong aksiyon na gagawin si Dra. Belo rito dahil apektado ang kanyang negosyo at reputasyon, pero hindi interesado ang sikat na doktora, “no, I’m really not making it pansin because it’s not worth my energy,” sabi sa amin.

ni Reggee Bonoan