HATAW! D'yaryo ng Bayan hatawtabloid.com
ni Peter Ledesma
MGA buang (baliw) talaga ang ilang netizens na nagpakalat ng chikang kasabay ng pagkamatay ni Mark Gil ay namayapa na rin daw si Kuya Boy Abunda dahil sa sakit na colon cancer.
Habang pinasabog nila ang kuwentong ito, ayon pa sa ating impormante, ay masayang nanonood ng TV ang King of Talk sa kanyang resthouse sa Tagaytay at kumakain ng healthy foods pagkatapos niyang maka-recover sa pagkaka-ospital at ope-rasyon ay unti-unti na rin bumabalik sa normal ang katawan.
Yes ‘yung nawalang 20 pounds sa sikat na TV host, ay konti na lang at balik na siya sa da-ting timbang. At dahil pinatay si Kuya Boy sa internet for sure mas lalo pang hahaba ang kanyang buhay. Marami ka-yang mga anghel sa buhay ang King of Talk, na nagdarasal para sa kanya. Sila ‘yung matagal nang pinag-aaral at ‘yung iba naman ay tinutulungan sa finances.
Samantala ngayong darating na Sabado ay luluwas ng Maynila si Kuya Boy para mag-taping ng kanyang The Bottomline show. So balik-tele-bisyon na siya. Wala pang binabanggit kung mapapanood na rin ang globally famous na TV personality sa dalawa pang programa sa Kapamilya network na Aquino and Abunda Tonight with his Bff Kris Aquino at The Buzz with Kris again and Ultimate Multimedia Star Toni Gonzaga.
We are very-very happy for this good news gyud!
PILOT EPISODE NG “WANSAPANATAYM” NINA NASH, ALEXA, AT GIMME 5, PATOK SA VIEWERS AT NETIZENS
Pinakatinututukang weekend TV program sa buong bansa ang kasisimula pa lamang na “Wansapanataym” special na pinagbibidahan ng Kapamilya teen stars na sina Nash Aguas, Alexa Ilacad, at ang sumisikat na boy group ng “ASAP 19” na Gimme 5.
Patunay dito ang datos mula Kantar Media, na nanguna sa listahan ng weekend TV programs ang unang dalawang episode ng “Wansapanataym Presents Perfecto” taglay ang national TV rating na 26.4% noong Sabado (Agosto 30) at 27.6% noong Linggo (Agosto 31). Ito ay 10 puntos na kalamangan kompara sa mga katapat nitong programa sa GMA na “Marian” (15.9%) at “Ismol Family” (18%).
Bukod sa TV ratings, wagi rin ang “Wansapanataym” special nina Nash, Alexa at Gimme 5 sa social networking sites tulad ng Twitter, na naging worldwide trending topic ang “Wansa Perfecto” noong Sabado at “Alexa Ilacad Wansa Perfecto” naman noong Linggo.
Samantala, sa pagpapatuloy ng “Wansapanataym Presents Perfecto” ngayong weekend (Setyembre 6 at 7), unti-unti nang magbabago ang buhay ni Perry (Nash) dahil matutupad na ang kanyang mga kahilingan sa tulong ng isang mahiwagang nilalang.
Magiging perpekto na ba ang buhay ni Perry sa oras na makuha niya ang lahat ng kanyang ninanais? Bahagi rin ng pinakabagong “Wansapanataym” special sina Matet de Leon, Vandolph Quizon, Candy Pangilinan, at ang mga miyembro ng Gimme 5 na sina John Bermundo, Joaquin Reyes, Brace Arquiza, at Grae Fernandez. Ito ay sa ilalim ng panulat ni Joel Mercado at direksyon ni Onat Diaz.
Sa ilalim ng produksyon ng Dreamscape Entertainment Television, ang original storybook ng batang Pinoy na “Wansapanataym” ang longest-running at most-awarded fantasy-drama antho-logy ng ABS-CBN.
Huwag palampasin ang pagpapatuloy ng “Wansapanataym Presents Perfecto” ngayong Sabado, 7:15 ng gabi pagkatapos ng “Home Sweetie Home,” at Linggo, alas-7 ng gabi, pagkatapos ng “Goin’ Bulilit” sa ABS-CBN. Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
WEEKY FINALS NG FHHM SA EAT BULAGA TUWING BIYERNES NA
Tuwing Biyernes na ang weekly finals para sa hit na hit na Beauty Pageant na FHHM “For Healthy & Heavy Models” Only ng EAT BULAGA, para sa lahat ng magaganda at matatabang girls mula Luzon, Visayas at Mindanao. Sa ganda, ta-lent at katalinuhan ng mga chubby pero seksing finalist lahat ay nakatutok na every Friday sa said segment.
Majority raw ng viewers ay male fans. Ibig sabihin ay pinapantasya na rin ang mga kababaihang nagdo-join sa contest.
Siyempre aliw na aliw rin sa kanila ang lahat ng Dabarkads viewers. Kaya bukas watch n’yo ang Grand Finals ng FHHM sa Bulaga sa Broadway Studio. Sino kaya sa mga finalist ang makapag-uuwi ng tumataginting na 50 K.
Abangan pala ang ipa-publish na Magazine ng EB para sa mga bumidang FHHM sa show.
