HATAW! D'yaryo ng Bayan hatawtabloid.com
PATAY ang money changer lady boss nang pagbabarilin ng tatlong lalaking lulan ng dalawang motorsiklo at tinangay ang P1,250,000 cash makaraan siyang mag-withdraw sa Banco de Oro kamakalawa ng hapon sa Plaridel, Bulacan .
Agad binawian ng buhay ang biktimang si Carmina Pagatpatan, 37, ng Baliuag, may ari ng J-Lyn money changer sa Malolos.
Habang sugatan ang gurong si Amorsolo Keyser, 30, ng Mabolo, Malolos na lulan ng Ford Lynx (EEC-808) at napadaan lamang sa lugar nang maganap ang insidente.
Ayon sa ulat, dakong 1 p.m. naganap ang insidente habang lulan si Pagatpatan ng kanyang black Hyundai Tucson (ML-9360) dala ang nabanggit na halaga makaraan mag-withdraw sa nabanggit na banko.
Bigla na lamang hinarang ng dalawang motorsiklo ang sasakyan ng biktima at siya ay pinagbabaril.
Pagkaraan ay kinuha ng mga suspek ang dalawang bag ng biktima na kinaroroon ng nabanggit na halaga at mabilis na tumakas.
Habang minalas na tinamaan ng ligaw na bala sa insidente si Keyser na napadaan lamang lulan ng kanyang sasakyan.
(RAUL SUSCANO/
DAISY MEDINA)
