HATAW! D'yaryo ng Bayan hatawtabloid.com
TUMALON mula sa ika 21- palapag ang isang Australian national sa tinutuluyan niyang hotel sa Pasay City kahapon ng madaling araw.
Bumagsak sa kalsada si Robert A. Andrews, 65, ng F-3-6 Edna St., Mt. Waverly VIC 3149 Australia, pansamantalang nanunuluyan sa Unit 2101, 21th Floor, Atrium Hotel, EGI Building, Buendia, Taft Avenue, Pasay City.
Sa imbestigasyon nina SPO1 Cris Gabutin at PO3 Giovanni Arcinue, nangyari ang insidente dakong 5:45 a.m. likod na bahagi ng Atrium Hotel sa Buendia Avenue, Taft.
Sa pahayag ni Freddie Seguvia, 32, driver ng service car ng hotel, nasa entrance siya ng hotel habang naghihintay ng kanilang mga guest nang mapansin ang bumagsak na tao sa bandang likod at sumabit sa kawad ng koryente hanggang bumagsak sa kalsada.
Natagpuan ng mga awtoridad ang iniwang suicide note ng biktima na nakasaad ang paghingi ng tawad sa kanyang pagpapakamatay.
Noong Agosto 27 nang mag-check-in ang biktima sa hotel hanggang Agosto 31 ngunit humingi ng dagdag pang tatlong araw.
Sinabi ni Jessie de Guzman, hotel manager ng Artium, wala silang napansin na kakaibang kilos ng biktima nang mag-chek-in sa hotel.
(JAJA GARCIA)
