ENPRESS nagpasaya ng mga bata sa tulong ng Puregold

ISANG masaya at makabuluhang hapon ang naranasan ng mga kasapi ng Entertainment Press Society noong Miyerkoles, August 27, sa gift giving activity na kanilang ginawa sa White Cross sa San Juan City.

Sa tulong ng Puregold ay nagsagawa ng gift-giving at feeding program ang mga kasapi ng ENPRESS sa mga batang inaalagaan ng White Cross.

Sa loob ng dalawang oras ay nakisaya ang mga Enpress member sa mga bata. Bawat isang Enpress member ay naglaan ng oras para sa isang bata, kasama ang pagpapakain dito ng early dinner. Labis na ikinatuwa ng Enpress members ang naturang activity dahil kahit sa ilang oras lamang ay naranasan nila kung paano maging surrogate parent sa simpleng paraan na pagpapakain sa mga paslit.

Isa itong masaya pero makabuluhang hapon para sa mga Enpress members na nakibahagi sa activity.

Bukod sa feeding program, sa tulong ng Puregold, ay nagbigay din ng donasyon ang Enpress sa White Cross. Kabilang dito ang pitong kahon ng assorted grocery items at mga cleaning material tulad ng dust pan, mop with handle, at soft brooms.

“Kami sa Enpress ay labis na natutuwa na maging bahagi ng worthy endeavor na ito. Nais naming ipaabot ang aming pasasalamat sa Puregold sa pagtulong nila sa Enpress thru their generous donation para sa project na ito, na amin namang naibahagi sa White Cross at sa mga batang kanilang inaalagaan. We hope to do this again,” pahayag ng mga Enpress member na dumalo sa gift-giving.