HATAW! D'yaryo ng Bayan hatawtabloid.com
NALAGUTAN ng hininga ang isang delivery boy ng isang fastfood restaurant makaraan magkarambola ang anim sasakyan sa Mindanao Avenue, Quezon City kahapon ng umaga.
Ayon sa ulat, nawala sa kontrol ang 10-wheeler truck na may kargang buhangin kaya sinalpok ang limang iba pang mga sasakyan sa kanto ng Mindanao at Congressional Avenues dakong 4:30 a.m.
Sa puntong iyon, pabalik na ang biktimang si Archie Gaerlan, delivery boy ng McDonald, na lumusot sa ilalim ng truck ang sinasakyang motorsiklo.
Ayon kay PO3 Andie Sotto, sinalpok ng truck na patungo sa Taguig, ang motorsiklo ni Gaerlan bago binundol ang iba pang mga sasakyan.
Sa panig ng truck driver na si Jay Atencio, sinabi niyang mabagal lamang ang kanyang takbo ngunit nawalan ng preno ang kanyang truck.
