HATAW! D'yaryo ng Bayan hatawtabloid.com
HINDI na umabot nang buhay sa pagamutan ang isang usurero o nagpapautang ng 5-6, makaraan pagbabarilin ng hindi nakilalang mga suspek sa palengke ng Sta. Maria, Bulacan, kamakalawa.
Sa ulat na nakalap mula sa tanggapan ni Supt. Rodolfo ‘Boy’ Hernandez, hepe ng Sta. Maria PNP, kinilala ang biktimang si Ferdinand Libarra y Diaz, 45, residente ng Brgy. Catmon, sa naturang bayan.
Nabatid na ang biktima ay lulan ng kanyang Toyota Hi-Ace Grandia EL na may conduction sticker TWO113, papuntang Sta. Maria Public Market, nang salubungin ng suspek at barilin gamit ang .45 kalibreng baril.
Pagkaraan ay naglakad ang suspek patungo sa kasamang nasa Honda XRM saka tumakas sa direksiyon patungong Bgy. Sta. Clara.
Nakatakdang mangolekta biktima upang mangolekta sa mga market vendor para sa pautang niyang 5-6.
(MICKA BAUTISTA)
