Romero natuwa sa mga draftees

NAPILI ng GlobalPort Batang Pier Team si Stanley Pringle (may cap) ang 1st round 1st pick.  Kasama sa larawan (L-R) sina team owner Mikee Romero, Team manager Eric Arejola at coach Pido Jarencio sa ginanap na 2014 PBA Rookie Draft sa Midtown Robinsons Place Manila. (HENRY T. VARGAS)

NAKAHINGA na nang maluwag ang team owner ng Globalport na si Mikee Romero ngayong napili na niya si Stanley Pringle bilang top pick sa PBA Rookie Draft kamakalawa.

Sinabi ni Romero na kailangang magkaisa sina Pringle at  dalawa niyang mga kasamang guwardiya sa Batang Pier na sina Alex Cabagnot at Terrence Romeo kung nais niyang makita ang kanyang koponan sa semis.

Mula noong pumasok ang Globalport sa PBA ay hanggang quarterfinals lang ang inabot nito kumpara sa dami nitong titulong napanalunan sa nabuwag na Philippine Basketball League.

“Talagang hinabol namin itong si Stanley since ABL days niya. He’s a franchise changer and a game changer,” wika ni Romero. “I expect him to change ‘yung pagtakbo ng Globalport. Terrence and Alex should learn to co-exist with Stanley and if they don’t co-exist, hindi kami mananalo.”

Bukod kay Pringle, nakuha rin ng Batang Pier sa draft sina John Pinto at Prince Caperal na parehong taga-Arellano University at si Anthony Semerad ng San Beda College.

“It feels good to be drafted and it’s an honor and blessing. We expect to jell because all my teammates are team players like me. It’s a good thing,” ani Pringle. (James Ty III)