3 bata nalunod sa ilog

ROXAS CITY – Hindi na umabot nang buhay sa pagamutan ang tatlong bata makaraan malunod sa isang ilog sa Brgy. Dayao sa lungsod na ito.

Kinilala ni SPO1 Charlemagne Tupaz ang mga biktimang sina John Michael Antonio, 11; Jerry Liboon, 10; at Kent John Astrolabio, 6, pawang ng Brgy. Dayao, Roxas City.

Sa inisyal na imbestigasyon ng pulisya, unang nalunod si

Astrolabio ngunit sinikap iligtas ng nakatatanda niyang mga kaibigan ngunit maging sila ay nalunod din.

Nagkayayaan ang tatlo na maligo ngunit hindi inaasahan na malalim ang tubig.

Napag-alaman, ang nasabing bahagi ng ilog ay hinuhukayan ng lupa ng developer ng isang subdivision.

Lingid sa kaalaman ng mga magulang na nagtungo ang mga biktima sa ilog hanggang sa matagpuan na lamang ng ilang mga residente ang mga bata habang nakalutang sa tubig.

Patuloy ang imbestigasyon ng mga awtoridad sa insidente.

(BETH JULIAN)