Ejay Falcon, bilib kay Nash Aguas!

ni Nonie V. Nicasio

MAGKASAMA sa pelikulang ma-aksiyon sina Ejay Falcon at Nash Aguas. Ang tentative title nito ay sa Ngalan ng Anak at tinatampukan din ni Phillip Salvador.

Ayon kay Ejay, noong unang inalok sa kanya ito ay tinanggihan niya dahil may anak na binatilyo siya rito. Subalit nang nalaman niya ang kabuuan ng proyekto, agad niya itong tinanggap.

“Actually, noong sinabi sa akin na may anak ako sa movie na ito ay medyo nagdalawang-isip ako noong una. Pero nang sinabi na si Phillip Salvador ang kasama namin dito, sabi ko kay Direk Toto (Nati-vidad), ‘Sige Direk, tara na, game na tayo, mag-shoot na tayo.’

“Kasi si Kuya Ipe, mataas talaga ang respeto ko sa kanya. Kasi, siya talaga iyong… hindi ba, action star talaga siya, e. Pa-ngalan pa lang niya ang laking bagay na e. Lagi niya akong tinuturuan sa acting at inaalala-yan niya talaga ako,” pahayag ni Ejay.

Si Nash ba ay may-K sumabak sa action? “Oo naman, oo naman. Para ilagay siya roon, siyempre… hindi lang ako ang nagsabi nito. Kasi, si Direk Toto talaga ang pumili kay Nash e. So, iyon na iyon talaga.

“Mahusay si Nash, mahusay ang batang iyon. Alam niya iyong mga continuity, alam niya iyong, ‘Direk hindi ba, ano ako rito, parang nabugbog ako? Hindi ba dapat, ang dami kong mga su-gat?’ Alam niya lahat iyon, ma-tagal na si Nash sa industriya kaya kahit bata pa siya ay magaling siya.”