HATAW! D'yaryo ng Bayan hatawtabloid.com
ni Cesar Pambid
MARAMI na ring nakaka-miss kay PAO Chief Persida Acosta sa telebisyon dahil mula nang matapos ang Public Atorni: Asunto o Areglo ng TV5, hindi na siya napanood muli.
May offer sa kanya na parang format ng Ipaglaban Mo pero hindi natuloy.
“Kasi busy nga ako,” say niya nang makatsikahan ng entertainment press sa kanyang office kamakailan. “Ang daming kaso na dumating tapos ang daming inasikaso. Tapos last year ko ngayon. Scholar ako ngayon sa Civil Service Commission sa UP. ’Pag naka-graduate na ako, magiging doctor na ako of social development.”
Abala rin siya sa pagtutok sa kaso ng Sulpicio Lines para sa M/V Princess of the Stars, na lumubog ilang taon na ang nakararaan pero hanggang ngayon, humihingi pa rin ng hustisya ang pamilya ng mga biktima.
Marami raw ang lumalapit at umiiyak sa kanya dahil sa kinahinatnan ng kasong ito. Kaya naman nag-file ang PAO ng motion for reconsideration para i-review ng Supreme Court ang desisyon nitong civil ang ipataw sa may-ari ng Sulpicio Lines sa halip na criminal case.
Dahil colorful din ang buhay ni Atty. Persida, marami sa press ang nagsabing pwedeng i-dramatize ang kanyang life story either sa TV or pelikula.
Sina Dawn Zulueta, Alice Dixson, at Bea Alonzo ang lumulutang na gusto ng press na gumanap sa karakter ni Atty. Persida.
